Tàm pơrjum, ală kwang bàng Cíñ phủ neh tàm bơyai, cribơyai tơrgùm tàm ală broă kwơ màng, ai jơnau đơs krơi is kờñ dan jơnau đơs bơh Cíñ phủ dê, bè: Adat Năng lượng Nguyên tử (tam gơl); Adat pà dà yuh dà; Adat ngui năng lượng tềm pềr, geh cồng nha; mờ dan lơh Adat Mpồl lơh sa kă bro (tam gơl).

 Đơs tàm pơrjum, Thủ tướng ồng Phạm Minh Chính sơñio loh: bơcri lơh ai gơ in lơh sir, lơh adat boh lam là bơcri  lơh ai gơ in bơtàu tơnguh; lơh niam broă lơh lơh adat boh lam rơ̆p lơh geh tŭ tơngai niam ai bơtàu tơnguh in. Thủ tướng sồr broă lơh ală sră nggal adat boh lam pal tơrgùm bồ tơngoh, lơh jat niam nùs nhơm geh kơnòl uă, ală sră nggal pal lơyah, loh jơnau, ƀuơn wă, ƀuơn mut ngui, ƀuơn lơh, ƀuơn sền wơl, ƀuơn sền sơwì, jat sền, pal lam lơh mhar, lơh jài, ai broă bơsram mờng chài, lơh sir jài.