Tàm dơ̆ Tìp măt cri bơyai, ala măt mpồl lơh sa kă bro mờ mpồl ASEAN đơs niam tiah bơcri priă tàm lơgar Việt Nam, sền do là anih tus lơh gơkờñ ngan; mờ geh uă jơnau dan gơrềng tus sră nggal, dia, priă đèng mờ kă bro phan tàm điện tử.

Đơng lam ală ƀộ, gah lơh broă lơgar Việt Nam neh hơ tơn ală jơnau dan bơh mpồl lơh sa kă bro dê. Đơs tàm tìp măt cri bơyai, Thủ tướng đơs sùm git gơ̆p đah lơgar Việt Nam mờ mpồl ASEAN là cơng tàng pà gŏ nùs nhơm tam klăc bal, lơh broă bal tàm tiah do geh cồng nha. Lơgar Việt Nam sền mpồl ASEAN là ai lài kwơmàng mờ hơ geh bơ̆t bơtàu mpồl bơtiàn ASEAN pràn kơl dang. Thủ tướng kơ̆p kờñ ală mpồl lơh sa kă bro ASEAN rề ơnàng tơnguh tai bơcri priă lơh sa kă bro, tàm jàu măy mŏk, tă pơgồp jơnau đơs ai lơh gơs adăt boh lam, pơgồp bơnah bơto cau lơh broă jăk, atbồ ngăc ngar, jăk chài uă, lơh ngan geh ală rơndăp broă lơh lơh broă bal lơh sa gơcèng bơta pơrya đah lơgar Việt Nam mờ ală lơgar ASEAN. Tàm hơ̆,  pal chồl tơngguh tàm tơrbŏ lơh sa, bơtàu tơnguh phan bơna sồ, năng lượng mờ drơng mờ tam gơl nhơm trồ tiah.