Tàm Tìp măt cribơyai, ala măt ală mpồl lơh sa kă bro mờ tơrgùm ală mpồl nting bơr chờ hờp bal mờ ală cồng nha bơtàu tơngguh lơh sa- mpồl bơtiàn mờ lơgar Việt Nam neh lơh geh tàm ală nam do, là anih pơnrơ bè gơguh lơh sa tàm dunia. Mơkung đơs niam ngan tiah bơcri priă kă bro tàm lơgar Việt Nam ngai sơlơ geh lơh niam wơl mờ là anih tus bơcri priă gơdan gơkờñ tàm dunia. Ală cau ala măt kung đơs uă jơnau đơs, jơnau dan mờ Cíñ phủ, Thủ tướng Cíñ phủ ală broă gơrềng tus lơh sră pơ àr gơnoar ătbồ, dia, sền swì tă dia phan kă bro mờ lòt rê mờ lơgar ndai, geh ngui bồ tơnggoh jak, jak chài măy mŏk…mờ kơ̆p kờñ pơn jăt tai bơcri priă tàm Việt Nam tàm broă năng lượng, ngan là đèng càl tàm dà lềng, đèng năng lượng măt tơngai…

Đơs tàm tìp măt cribơyai, Thủ tướng ồng Phạm Minh Chính ưn ngài mpồl lơh sa kă bro câu Âu dê neh sền Việt Nam bè ƀòn tờm he dê nàng bơcri priă kă bro. Thủ tướng kơ̆p kờñ ală mpồl lơh sa kă bro câu Âu dê pơn jăt tai bơcri priă tàm Việt Nam. Thủ tướng đơs nền, Việt Nam crăp rơcăng tă bơsong ală kal ke gơkòl, ai tơl bơta ƀươn nàng mpồl lơh sa kă bro câu Âu dê in bơcri priă bơtàu tơngguh.