Đơs tàm Tìp măt cribơyai, Thủ tướng ồng Phạm Minh Chính ưn ngài bơta tam pà song dơ pă bơh ală mpồl lơh sa kă bro lơgar Lo dê, tơnggŏ nùs nhơm, kơnòl, bơta jơh nùs mờ gơnoar broă mpồl lơh sa kă bro lơh sa dipal, pơnrơ.

Thủ tướng kơ̆p kờñ ală mpồl lơh sa kă bro lơgar Lo dê bơtàu tơngguh Việt Nam gơgơs anih tờm lơh gơlik phan, pơgồp bơnah bơtàu tơngguh lơh sa sồ, kă bro song niam, di kơrnoăt boh lam, nùs nhơm là iăt kơno jơnau đơs bơh gơ̆p dê, tam pà bơta wèt sền, tam pà lơh broă, jơh nùs tàm jàu măy mŏk ai Việt Nam in, dong kờl Việt Nam bơh mpồl lơh sa kă bro dềt bơtàu tơngguh gơgơs mpồl lơh sa kă bro dờng, geh bơta gĭt wă măy mŏk bơtàu tơngguh, tus bal ală anih lơh gơlik phan gùt plai ù. Thủ tướng kơ̆p kờñ ală mpồl lơh sa kă bro lơgar Lo dê dong kờl Việt Nam tàm nùs nhơm bơta kwơ tam pà bal, rềs àr tam kong bal, dipal mờ broă gĭt gơ̆p 2 lơgar.