Tơnơ̆ tŭ iăt ală jơnau đơs, đơs pơndŭt pơrjum, Thủ tướng ồng Phạm Minh Chính đơs sùm, bol he pal gơ dờp ngăc ngar mờ bơta geh ngan tàm dunia mờ tàm lơgar nàng lơh jat niam ală bơta ƀuơn bơta pràn mờ bơta ờ hềt di pal, ală bơta aniai.  Thủ tướng đơs sùm, Đảng, Dà lơgar neh ai geh jơnau kờñ geh ngan gơwèt mờ broă bơtàu tơnguh ală mpồl lơh sa kă bro Việt Nam dê. Geh broă lơh dong kờl lơh geh ală bơta ai mpồl lơh sa kă bro dềt mờ dimơ in rề ơnàng broă lơh, yờ tơnguh uă bơta pràn tàm pơrlòng, bơta pràn jak lơh sa, bơtàu tơnguh broă lơh lơh sa kă bro jat tàm ală bơta tam gơl pa bơceh lơh, ngui jak chài măi mok, lơh sa sồ, lơh sa tàm pà bal, lơh sa tàm pơdar, lơh sa tơlir, sền gàr tiah ơm kis, rcang lài pleh mờ tam gơl nhơl trồ tiah.

Thủ tướng sồr ală Ƀộ, gah broă pơn jat tai kờp sền, tơrgùm lơh sir gùng dà broă lơh. Pal lời tĕ sră nggal gơnoar atbồ kal ke, tơnguh priă jền tă lơh ai làng bol mờ mpồl lơh sa kă bro in. Bơtàu tơnguh phan bơna bơt bơtàu nàng drơng broă làng bol, mpồl lơh sa kă bro in. Bal mờ hơ̆ là bơto bơtê mpồl lơh broă jak nàng tơnguh cồng nha lơh broă ai mpồl lơh sa kă bro dềt mờ dimơ in.