Bàr Thủ tướng tus sền, iăt jơnau yal bè Đại Trung Môn, Khuê Văn Các, tiah Đại Thành, ală jơnang Tiến sĩ, Vạn Thế sư biểu Chu Văn An… Bàr Thủ tướng geh iăt jơnau đơs quan họ - do là dùl jơnau đơs pơn đik pơnrơ ngan bơh tiah dà dờng Hồng dê, geh UNESCO dờp là Phan lời wơl niam chài ờ di phan bơna ala măt kòn bơnus dê.

Thủ tướng ồng Phạm Minh Chính neh yal Thủ tướng lơgar New Zealand bè rài lài do bơh Văn Miếu – Quốk Tử Giám, hìu bơsram đại họk sơnrờp ngan lơgar Việt Nam dê geh lơh bơh mờr 1 rơbô nam lài. Tàm hơ̆ is ồn ngan, Thủ tướng đơs loh bơhiàn bơsram sră, git jơnau mờ cau bơto bơh jơi bơtiàn lơgar Việt Nam dê; pà git, tŭ do, Đảng, Dà lơgar Việt Nam, tàm hơ̆ geh Văn Miếu – Quốk Tử Giám là tiah prăp gàr, jờng rơ đại họk, prăp gàr mờ ai tơngŏ bơta niam krơi is ală bơta kwơ geh pơnrơ dê.