Broă lơh gùng rơndeh lòt mhar Châu Đốc – Cần Thơ – Sóc Trăng jòng rơlao 188 kơi sồ, lòt gan 4 càr, ƀòn dờng, lơh 4 gah rơndeh lòt, kờp jơh priă bơcri pơgăp 45 rơbô tơmàn đong.

Geh sơn đờm mŭt lơh bơh nhai 6 nam 2023, kờp dŭ geh lơh gơs tàm nam 2026 mờ ai ngui jơh gùt gùng tàm nam 2027. Thủ tướng Cíñ phủ ồng Phạm Minh Chính đơs là, gùng rơndeh lòt mhar Châu Đốc – Cần Thơ – Sóc Trăng lơh gơs gờñ ngai lơi den geh kwơ ai dà lơgar mờ Tiah ring dà dờng Cửu Long ngai hơ̆ in. Den tàng, ală càr tàm Tiah ring dà dờng Cửu Long, tàm hơ̆ uă ngan là ală càr, ƀòn dờng An Giang, Hậu Giang, Sóc Trăng, Cần Thơ pal tơnguh nùs nhơm geh kơnòl, hòi jà jơh gùt mpồl lơh broă cíñ trị, ală mpồl ling tus bal, lơh ngan, pơgồp bal, lơh geh cồng nha rơlao tai. Ală cau lơh rơcang lài, ndrờm bal rơlao tai nàng lơh gùng.