Đơs tàm pơrjum, Thủ tướng ồng Phạm Minh Chính đơs nền broă lơh gơnoar kòn bơnus là broă lơh ngan ngồn, ờ gŏ di là pơgồp bal mờ geh ơn tàm broă lơh tơrgùm bal bơh broă bơto bơtê lơgar Việt Nam dê. Tàm hơ̆ ai kơnòm bơsram, cau bơsram dờng lơh tờm, cau tờm; cau pơgru là bơta gơn kơnờm; hìu bơsram là tiah dong kờl; hìu bơnhă là tiah kơldìng; mpồl bơtiàn là bơnàng jă; Lơh jat broă lơh bơsram sră jơh rài kis.

Thủ tướng ồng Phạm Minh Chính pin dờn, mờ bơta tam klăc ring bal, sơm bat tê bal, dồ nùs bal bơh jơh ală anih lơh broă cíñ trị, jơh gùt làng bol, jơh gùt ling klàng he dê, broă lơh sền gàr gơnoar kòn bơnus mờ bơto bơtê gơnoar kòn bơnus ngai sơlơ lơh geh cồng nha niam bơnĕ ngan, pơgồp bơnah kwơ màng lơh ngan ngồn bơta kơ̆p kờñ bơt bơtàu Dà lơgar Việt nam xã hội củ nghĩa làng bol pas, Dà lơgar pràn, làng bol lơh tờm ring bal niam jak, kơ̆ kơl jăp cơn đoà mut tàm rài pa- rài pas pràn bơh jơi bơtiàn dê.