Cri bơyai hòi jà broă tus bal bơh rơlao 1 rơbô nă cau ala măt là ală kwang đơng lam, cau jak măi mok pa dờng tus bơh uă tập đoàn dờng tàm dunia, bal mờ uă mpồl lơh sa kă bro tus bơh ală lơgar Mỹ, Lo, Hàn Quốk, Nhờk, Ấn Độ, Tây, Đức, Hà Lan… mờ lơgar Việt Nam nàng cri bơyai ală gùng dà bơtàu tơnguh, bơta niam mờ bơta lòng bơh gah lơh sa mờ măi mok ƀán zẫn bal mờ ngăc ngar kòn bơnus lơh gơs (AI) gùt plai ù, ai geh gùng dà bơtàu tơnguh ală gah lơh sa mờ măi mok pa do ai lơgar Việt Nam in.

Bơh Cri bơyai do, lơgar Việt Nam wèt tus bơngă pa tàm ală lơgar, pờ geh ală dơ̆ niam lơh broă bal jŏ jòng, ai geh bơnàng jă kơl jăp tàm broă tam gơl sồ, git mờ lơh tờm măi mok pa, lơh jăt jơnau kờñ bơtàu tơnguh mhar mờ kơl jăp tàm tơngai tus. Do là broă lơh kwơ màng nàng ală cau jak, ală lơgar lơh broă bal geh pơgồp bal, lơh broă bal mờ ală gah lơh broă tàm lơgar Việt Nam dê lơh geh rài pa ai gah lơh sa sồ lơgar Việt Nam in.