Đơs nền gĭt gơ̆p lơh bơyô dờng ơnàng ngan đah Việt Nam mờ Lào geh gơtha kwơmàng gơ wèt mờ broă lơh bơ̆t bơtàu mờ sền gàr Dà lơgar bơh tơl lơgar dê, Thủ tướng pà gĭt, Việt Nam sùm cih kah bơta tàm kờl, dong kờl lơgar Lào dê sơrlèt rlau kal ke, bơta lòng tềng đăp măt mờ pơn jăt tai bơtàu tơngguh kơ̆ kơl jăp; sùm kờñ bal, ai tơl bơta ƀươn ngan rlau jơh nàng lơh broă bal đah Mpồl ling klàng 2 lơgar in ngai sơlơ bơtàu tơngguh.

Thủ tướng ồng Phạm Minh Chính sồr Mpồl ling klàng 2 lơgar sơlơ pơgồp bal, tă pơgồp jơnau đơs geh cồng nha mờ đơng lam kâp dờng 2 lơgar dê bè sền gàr dà lơgar, lơngăp lơngai; lam lơh pràn kơldang cồng nha bơh Dơ̆ tìp đah đơng lam Đảng pe lơgar mờ pe Thủ tướng lơgar Campuchia- Lào mờ Việt Nam dê tàm ƀòn dờng Hồ Chí Minh nhai 2 pa do, lơh kơ̆ kơl jăp mpồl tam klăc dờng đềt mềr ngan đah 3 lơgar; lam lơh ală mpồl lơh broă bal gam geh tŭ do.