Indonesia là anih tus bơh sơnrờp bơh Tổng Ƀí thư ồng Tô Lâm dê tàm dơ̆ lòt còp lơgar ndai bơh sơnrờp nam 2025, geh lơh tàm tŭ gĭt gơ̆p 2 lơgar gam bơtàu tơngguh niam bơnĕ bal mờ ală broă lơh geh uă ngan di dơ̆ tơngkah kir sơnrai 70 nam lơh gĭt gơ̆p cribơyai broă mờ lơgar ndai (1955- 2025).

Dơ̆ lòt còp rơ̆p pơgồp bơnah lơh kơ̆ kơl jăp pin dờn cíñ trị, tơnguh broă lơh broă bal tàm jơh ală broă đah 2 lơgar. Tàm kơnhoàl ù tiah Asean, 30 nam kờp bơh tŭ Việt Nam mŭt bal bơh nam 1995 tus tŭ do là gùng lòt uă tềl lời wơl pal kah gơ wèt mờ jơh bal Việt Nam mờ Asean. Tŭ tơngai neh sền gŏ dùl Việt Nam rơhời dơng kràñ, rơhời bơtàu tơngguh, rơcăng lài mờ crăp rơcăng tă pơgồp uă rlau tai ai broă bal in. Sùm tàm ală tŭ mŭt bal Asean, Việt Nam sùm ơn ai lài hơđang rlau jơh ai broă gàr tam klăc mờ ring bal Asean.