Wă rò Tổng Ƀí thư ồng Tô Lâm mờ pơ ùr bal mờ Mpồl cau ala mat geh Kwang gơnoar cih dờng Asean Tiến sìh ồng Kao Kim Hourn mờ pơ ùr, Mpồl đơng lam Mpồl Gơnoar cih Asean mờ ală Kwang Atbồ anih lơh broă ala mat lơgar ndai, Kwang atbồ mpồl ală lơgar tàm mpồl tàm Asean. Tơnơ̆ dơ̆ wă ngan ngồn, Tổng Ƀí thư ồng Tô Lâm neh tam tờm chi lời kir sơnrai tàm ƀlàng jơng anih lơh broă Mpồl Gơnoar cih dê mờ pà rùp wăc sềr lời kir sơnrai nàng prap lời wơl tàm cơldŭ ràng tơlik bơhiàn ờs mờng bơh Mpồl Gơnoar cih Asean dê.

Tàm dơ̆ tìp mờ lơh broă mờ Kwang gơnoar cih dờng Asean mờ Anih duh broă Ala mat Lơh broă sùm kềng gah Asean, Tổng Ƀí thư ồng Tô Lâm đơs nền Việt Nam sùm sền dờng màng mờ tă pơgồp jơh nùs jơh tồr ai bơta bơtàu tơnguh bơh Asean dê tàm 30 nam do tài ală jơnau kờñ dờng màng bơh Asean dê. Dơ̆ lòt còp bơh Tổng Ƀí thư ồng Tô Lâm tus Mpồl Gơnoar cih Asean dơ̆ do tơngŏ bơta pràn ngan jơnau hơ kwơ màng bơh lơgar Việt Nam dê gơwèt mờ Asean, đơs nền Asean pơn jat tai là dùl lơh lài lam lài tàm broă lơh lơh broă mờ lơgar ndai bơh lơgar Việt Nam dê tàm rài pa.