Tơngai lài, Duh broă sùm ală Mpồl dềt neh kờp sền nền wơl, tơrgùm jơh wơl nàng sền swì bơtơl, cih tàm ală jơnau rơcăng cih sră nggal yal Pơrjum dờng XIV Đảng dê, tàm hơ̆ geh tơnggme bè jơnau kờñ gơguh lơh sa tơngai bơh nam 2026- 2030 wèt tus geh 2 nơm khà; Bal mờ hơ̆ là bàr pe tơnggume kwơmàng ndai bè sền gàr dà lơgar, lơngăp lơngai, lơh broă mờ lơgar ndai; ală broă bè kơrnoăt boh lam, mờ broă lơh rơcăng, dră sa kwề sa kwà.

Jơnau đơs pơndŭt dơ̆ pơrjum, Tổng Ƀí thư ồng Tô Lâm sền bal ring bal mờ jơnau dan bơh Duh broă sùm ală Mpồl dềt dê mơkung tơngkah bè jơh ală bơta pơn jăt tai iăt kơno ală jơnau đơs tàm dơ̆ pơrjum nàng lơh tam gơl wơl cih, bơtơl ală jơnau rơcăng cih jơnau yal jăt gùng dà lơyah rơndăp. Tổng Ƀí thư sồr, ală jơnau yal pal cih jăt gùng dà lơh broă mờ lam lơh mơ tơn tàm rài kis mùl màl nàng ală rơnàng làng bol, kwang bàng đảng viên gŏ loh jơnau kờñ gơ ai tơlik là geh cơng tàng mờ lơh jăt gơtùi. Tổng Ƀí thư kung sồr, ală Jơnau rơcăng cih jơnau yal pal đơs gơ in song ngan, geh ală broă lơh di nàng lam lơh, bañ lơh gơklŏ ir broă lơh geh mơya kung ờ gŏ di roh bơta gơn kơnờm.