Tổng Ƀí thư ồng Tô Lâm đơs niam bơta kwơ màng bơh dơ̆ “Tam tìp kơnòm bơsram, cau bơsram dờng Việt Nam - Lo ală rài”, là dơ̆ nàng tam pà bal bè git gơ̆p lơh bơyô đah lơgar Việt Nam mờ lơgar Lo, tàm hơ̆ uă ngan là yal ală jơnau yal bè gơnoar, broă lơh ngan bơh kơnòm bơsram, cau bơsram dờng bàr lơgar bơh ală rài gơwèt mờ broă lơh pràn gơwèt nùs nhơm ai rài bơtàu tơnguh pa bơh tơl Đảng, tơl lơgar bal mờ bơta git gơ̆p đah bàr jơi bơtiàn oh mi.

Mờ bơta kwơ màng hơ̆, Tổng Ƀí thư ồng Tô Lâm đơs tus mờ uă jơnau kờñ pơlam gơwèt mờ ơruh pơnu, rơnàng kơnòm să bàr lơgar, tàm hơ̆ pal tơnguh uă jơnau git wă bè bơta jŏ jòng rài lài do, bơta kwơ màng mờ bơta dờng jŏ jòng bơh bơta git gơ̆p đah lơgar Việt Nam mờ Lo dê, ơruh pơnu bàr lơgar geh pơnyờ să mờ geh kơnòl pơn jăt tai, ai bơta git gơ̆p bàr lơgar bơtàu tơnguh tus tàm bơta pa. bơdìh hơ̆ tai, ơruh pơnu 2 lơgar kung pal lơh ngan bơsram sră, bơsram tàp, brồ să git ngui bơta jăk măi mok pa nàng pơgồp bal tàm broă bơ̆t bơtàu, bơtàu tơnguh mpồl lơh sa pa tàm tơl lơgar dê, tơnguh bơta tờm phan bơna bơh bơta git gơ̆p đah bàr lơgar in.