Jăt tàm jơnau yal bơh Lùp sền Cíñ phủ dê mờ jơnau đơs tă pơgồp bơh ală cau ala măt tus bal dê, đơs pơndŭt, Tổng Ƀí thư ồng Tô Lâm cih dờp ală lơh ngan, pơnđơl bơh Lùp sền Cíñ phủ dê mờ gùt gah lùp sền dê tàm broă lơh jăt broă lơh wă làng bol, bơsong sră yal yă tàm tơngai do. Pơnrơ ngan là bơh bồ tơngai lơh broă tus tŭ do, gah lùp sền neh bơsong bơnah uă neh wă mờr 9 rbô nă cau bal mờr rlau 8 rbô dơ̆ broă mờ mờr 1 rbô mpồl rơ̆ cau; dờp, bơsong mờr 48 rbô sră pơyua bơh làng bol dê, kờp sền nền wơl, pơgồp bal bơsong rlau 1 rbô dơ̆ broă yal yă rơ̆ cau gam gơkòl, ờ ƀươn soh gơ dŏ jòng; bơh hơ̆ pơn jăt tai gàr niam gơnoar kwơ ai uă cau, mpồl cau geh gơrềng in.

Đơs sùm, tơngai tus Đảng, Dà lơgar rơ̆p lam lơh dùl tŭ bal uă gùng dà, broă lơh nền dờng, jŏ jòng gơcèng bơta tam gơl bơta yau gơgơs bơta pa, lơh gơlik geh bơnàng jă kơ̆ kơl jăp nàng ai dà lơgar in bơtàu tơngguh, is ồn là pal rơcăng gơ in niam ngan Pơrjum dờng Đảng ală kâp, wèt tus Pơrjum dờng Đảng gùt lơgar dơ̆ 14; den tàng bè hơ̆, broă lơh bơsong yal yă pal geh sền gròi rlau tai.