Đơs tàm dơ̆ lơh broă, Tổng Ƀí thư ồng Tô Lâm đơs loh, Đảng he neh ai bơtàu tơnguh lơh sa là kơnòl tờm den tàng jơnau yal Lơh sa mpồl bơtiàn là jơnau yal mìng dùl tơngu me kwơ màng ngan tàm broă lơh geh gùng dà broă lơh bơh Đảng dê.

Đơs sùm, Jơnau yal bơh Mpồl dềt pal là jơnau hơ geh di pal uă nàng jơh mpồl lơh broă cíñ trị geh lơh ngan lơh geh ală jơnau kờñ geh ai, Tổng Ƀí thư ồng Tô Lâm sồr tơnkah, jơnau kờñ tơrgùm bal uă ngan tàm Pơrjum dờng gùt lơgar dơ̆ 14 hơ̆ là tơlik jơnau lơh nền ală bơta kwơ màng nàng Dà lơgar kơl jăp bơtàu tơnguh mờ pơn jăt tai tơnguh uă rài kis làng bol. Tổng Ƀí thư sồr pal git tơl bơta git gơ̆p đah kơ̆ kơl jăp nàng bơtàu tơnguh mờ bơtàu tơnguh nàng kơ̆ kơl jăp, wèt tus jơnau kờñ dŭt ndơl là pơn jăt tai tơnguh uă rài kis làng bol, di pal mờ jơnau ngai sơlơ niam rơlao jơnau kờñ ngai sơlơ uă bơh làng bol dê, den tàng jơh tơn tàm jơnau yal Lơh sa mpồl bơtiàn pal ai tơngŏ geh nùs nhơm do. Lơh ngan pal bơtàu tơnguh mhar mờ kơl jăp tàm tơngai tus, den tàng pal geh bồ tơngoh pa, broă lơh pa geh nùs nhơm pràn nàng sơrlèt mờ să tờm dê den hơ̆ sồng lơh geh ală jơnau kờñ neh geh ai.