Bơh broă cri bơyai, uă jơnau đơs neh geh đơs tàm tơngai do tiah lơh sa lơgar Việt Nam neh geh ală broă bơtàu tơnguh jŏ jòng, mơya kung gam tìp uă bơta gơkòl, lơh gơrềng uă ngan tus mờ broă tơnguh gơnoar, bơngă bal mờ bơta pràn pơgồp bal bơh lơh sa cau dùl nă să lơh is gơwèt mờ broă bơtàu tơnguh lơh sa lơgar he dê.

Den tàng, do là tŭ ờ gơtùi lơyài tai, pal tơn jơh ală bơta gơkòl, brồ guh bơta pràn bơh tiah lơh sa kwơ màng do, pơgồp bal tàm broă lơh geh cồng nha jơnau kờñ bơtàu tơnguh Dà lơgar tus nam 2030 mờ 2045 bal mờ gùt Đảng, gùt làng bol he neh geh ai mờ lơh jăt lơh jăt. Đơs tàm dơ̆ lơh broă, Tổng Ƀí thư ồng Tô Lâm dùl dơ̆ tai đơs sùm, lơh sa cau dùl nă să lơh is là bơta pràn kwơ màng bơh lơh sa kă bro wèt jăt gùng dà sàh hội củ nghĩa dê, tàm hơ̆ uă ngan là gơguh lơh sa. tơngai tus Đảng, Dà lơgar rơ̆p geh ală gùng dà broă lơh dờng, kwơ màng nàng ai geh bơta pràn tiah lơh sa cau dùl nă să lơh is bơtàu tơnguh pràn kơl dang rơlao tai, nàng mpồl bơtiàn mpồl lơh sa kă bro bơtàu tơnguh pràn kơl dang pơgồp bal di pal tàm broă bơtàu tơnguh lơh sa mpồl bơtiàn Dà lơgar dê.