Bàr nă kwang đơng lam bồ tơlik nùs nhơm chờ hờp bè bơta bơtàu tơngguh pràn kơldang, ngai sơlơ gơlòt mŭt tàm uă broă, geh kwơ mờ geh cồng nha, jơh bal tàm tơngume 2 gah mờ uă gah, đah Quôk hội lơgar Việt Nam mờ Mpồl duh broă Pơrjum ring bal Làng bol lơgar Indonesia; đơs nền gĭt gơ̆p đah 2 anih lơh broă lơh adăt boh lam là dùl jơnau lơh gơs kwơmàng tàm jơh ală gĭt gơ̆p đah 2 lơgar; kơ̆p kờñ Anih lơh broă lơh adăt boh lam bơh 2 đah dê pơn jăt tai geh ală tă pơgồp uă ngan ai bơta bơtàu tơngguh gĭt gơ̆p lơh bơyô bal, lơh broă bal uă bơta mờ Tam klăc lơh broă bal jŏ jòng tơl làm Việt Nam mờ Indonesia, bơh broă lơh mờ ai lơh jăt ală sră nggal adăt boh lam, lơh geh ală gùng dà, broă lơh dipal, bươn nàng lam lơh broă bal tàm ală broă, ngan là lơh sa, kă bro phan, mờ bơcri priă đah 2 lơgar.

Củ tịc Mpồl duh broă Pơrjum ring bal Làng bol Indonesia ồng Amad Muzani đơs nền Indonesia sùm sền gròi gĭt gơ̆p mờ Việt Nam, tài bơta kwơ làng bol 2 lơgar dê, tài ring lơngai, kơ̆ kơl jăp, lơh broă bal, bơtàu tơnguh tàm kơnhoàl ù tiah do mờ tàm dunia.