Tổng Ƀí thư đơs nền Việt Nam sền Mỹ là lơgar lơh broă bal geh bơngă kwơ màng jŏ jòng, tàm hơ̆ lơh broă bal lơh sa, kă bro phan, bơcri priă mờ jak chài, măi mok pơn jat tai là bơta tờm mờ bơta gơn kơnờm sơlơ tơnguh tai bơta gĭt gơ̆p đah 2 gah; kơ̆p kờñ bal mờ Mỹ pơn jat tai lam lơh bơta gĭt gơ̆p Tam klăc lơh broă bal jŏ jòng tơl làm ngai sơlơ mut lơh broă ngan ngồn, mut lơh broă jrô ơnàng làm uă, tàm hơ̆ pơn jat tai sơlơ tơnguh lơh broă bal lơh sa- kă bro phan- bơcri priă bơtàu tơnguh kơ̆ kơl jăp, tài bơta kwơ bơh làng bol mờ mpồl lơh sa kă bro 2 lơgar dê, tă pơgồp tàm bơta ring lơngai, kơ̆ kơl jăp, lơh broă bal mờ bơtàu tơnguh pas gơs tàm tiah do mờ tàm dunia.

Tổng Ƀí thư đơs sùm bơta bơtàu tơnguh bơta bơh gĭt gơ̆p Việt Nam mờ Mỹ geh gơrềng niam ngan tus bơta bơtàu tơnguh bơh bơta gĭt gơ̆p bơh Mỹ mờ Asean dê, sồr Mpồl duh broă Lơh sa kă bro Mỹ mờ Asean lòt bal mờ ală lơgar Asean, sơlơ tơnguh tai lơh kơ̆ kơl jăp tam klăc bal, lơh broă bal, bơtàu tơnguh mờ sơlơ bơtàu tơnguh tai bơh Asean dê.