Cribơyai bè gùng dà broă lơh lơh broă bal dờng tàm tơngai tus, 2 gah ring bal sơlơ tơnguh tai cribơyai, tìp mat kấp dờng mờ ală kấp; lam lơh geh cồng nha ală gùng dà lơh broă bal đah 2 gah mờ lơh tus lơh geh ală gùng dà pa, di pal mờ jơnau kờñ lơh broă bal đah 2 lơgar dê; ngui geh cồng nha bơta ƀuơn bơta pràn lơh broă bal tàm ală gah kwơ màng ngan rlau jơh, ngan là gah sền gàr Dà lơgar- lơngăp lơngai, kă bro phan - bơcri priă, lơh broă, bơto bơtê, niam chài, lòt nhơl mờ tìp mat lơh kwèng làng bol.

Thủ tướng lơgar Malaysia ồng Anwar Ibrahim ring bal pơgồp bal niam nàng kờñ lơh geh bơta tam gơl pa tàm lơh broă bal lơh sa, kă bro phan mờ bơcri priă đah 2 lơgar dê; kờñ jơnau đơs bơh lơgar Việt Nam dê tàm lơh broă bal, gĭt loh mờ ngui ală broă lơh pa nàng sơlơ tơnguh tai lơh broă bal tàm ală gah kwơ màng ndai bè niam chài, bơto bơtê, lòt nhơl.