Tàm dơ̆ wă, Tổng Ƀí thư ồng Tô Lâm ai lơh niam nùs dờp gŏ bơta bơtàu tơngguh pin dờn bơh gĭt gơ̆p cíñ trị Việt Nam mờ New Zealand, là bơnàng jă nàng bàr lơgar in tơngguh tai lơh broă bal tơl làm tàm ală broă.

Tổng Ƀí thư đơng niam ngan cồng nha pơrjum bơyai đah bàr Thủ tướng, is ồn là broă geh Jơnau yal bơr bal tơngguh broă gĭt gơ̆p Việt Nam mờ New Zealand gơguh tus Tam klăc lơh broă bal Jŏ jòng Tơl làm, tơnggŏ bơta bơtàu tơngguh pràn ngan mờ pin dờn jŏ jòng jrô ơnàng đah 2 lơgar, lơh geh tơnggume kơ̆ kơl jăp ngan ai gĭt gơ̆p 2 lơgar mŭt tàm tŭ tơngai bơtàu tơngguh pa. Bàr nă Kwang đơng lam bồ dồ nùs bal bè ală gùng dà bơtàu tơngguh gĭt gơ̆p tàm tŭ tơngai pa; pin dờn tơnggume gĭt gơ̆p Tam klăc lơh broă bal Jŏ jòng Tơl làm pa rơ̆p cèng wơl bơta kwơ bal dờng ngan, tă pơgồp tàm ring lơngai, bơtàu tơngguh bơh kơnhoàl ù tiah do mờ tàm dunia.