Tàm anih pờ mpồl 1- Anih tờm bơsram tàp Dà lơgar 4, Mỹ Đức, Hà Nội, Đại tướng ồng Nguyễn Tân Cương, Lam bồ Mpồl dong broă Mpồl ling klàng Làng bol Việt Nam, Thứ trưởng Ƀộ Ling Klàng tus bal. Tàm anih pờ mpồl 1 mờ rlau 1 rbô 500 nă ling, ling geh griăt, ling klàng làng bol, sền gàr is tàm ală gah bồng bi đảng- bồng bi dà lơgar, gah ùr ling gùng đơs crih, gah ling griăt ling tam lơh hơđang ù gờl, gah ling geh griăt ling dà lềng, gah ling geh griăt rơcăng gàr kơlwàng trồ ling rơndeh par, gah ling geh griăt kảñ sát dà lềng, gah ùr ling geh griăt yal tơnggĭt, gah ùr ling geh griăt ling lơh sơnơm, gah ùr sền gàr ring lơngai Việt Nam, gah ling geh griăt ling tam lơh hơđang ù gờl, gah ling rơndeh sơtăng sơgiăp, gah ling lơh kơnòl broă is ồn, gah ùr ling klàng làng bol tiah đah Tô, gah bồng bi dum bò mờ gah ntàu.

Sền swì wơl tàm dơ̆ tơrgùm bal tàp, Đại tướng ồng Nguyễn Tân Cương jờng rơ nùs nhơm bơsram tàp bơh kwang bàng cau ling dê, bulah bè hơ̆ Lam bồ dờng Mpồl dong broă kung ai gĭt bàr pe bơta pal bơsong. Mpồl lik lòt tàm gùng, lòt pơdar tàm dơ̆ bơyai lơh tơngkah kir sơnrai lơh tơnggŏ wơl nùs nhơm khin cha duh hồl bơh dơ̆ Ntàu tam lơh dờng mờ ntàu dră kàl prang nam 1975, mờ dờng ngan rlau jơh là dơ̆ tam lơh Hồ Chí Minh neh pha lin jơh tàm klo ngai 30/04/1975.