Mpồl bơh ồng Trần Việt Trường, Phó Củ tịc Anih duh broă Mặt trận Dà lơgar Việt Nam lơh Phó lam bồ mpồl neh yal jơnau sền sơwì bè 4 broă geh gơrềng tus broă lam lơh jat Jơnau lơh nền tàm pơrjum sồ 18, Jơnau pơndŭt sồ 121 bè tam gơl pa mpồl lơh broă; Jơnau sồr sồ 35 bè Pơrjum dờng Đảng ƀộ ală kấp; Jơnau lơh nền tàm pơrjum sồ 57 bè bơtàu tơnguh jak chài, măi mok mờ tam gơl sồ mờ Jơnau pơndŭt sồ 123 bè bơtàu tơnguh lơh sa- mpồl bơtiàn nam 2025 mờ jơnau kờñ tơnguh lơh sa lơh geh 8% rlau hơđang.

Tơngai pa do, càr Dăk Lăk neh lam lơh uă broă lơh tơrmù di pal mpồl lơh broă, tơrmù 6 sờh, gah broă, 35 cơldŭ mpồl kấp kơnhoàl mờ 283 thôn, bòn. Càr kung lơh pràn tam gơl niam sră nggal gơnoar atbồ, ngui măi mok yal tơngĭt jơnau mờ tam gơl sồ nàng kờñ lơh geh ală bơta ƀuơn ai bơtàu tơnguh in. Mờ jơnau kờñ tơnguh lơh sa 8% nam 2025, càr Dăk Lăk gam kờp sền bơta pràn, tă bơsong bơta gơ kòl mờ tam gơl ală broă ngui sa lơh sa- mpồl bơtiàn.