Nam 2023, jơh gùt lơgar geh 82 nă cau chơ̆t tài bơh kòp sơnrang, mìng is tàm ù tiah Tây Nguyên dê geh 20 nă cau, tàm hơ̆ càr Gia Lai geh 14 nă mờ càr Dăk Lăk 4 nă. Tàm 3 nhai bồ nam do, jơh gùt lơgar geh 27 nă cau chơ̆t tài bơh kòp sơnrang, mìng is càr Dăk Lăk geh 4 nă, Gia Lai 2 nă. Tàm tŭ hơ̆, jơh 2 càr do gam geh khà cĭt vaccine rcang lài kơryan kòp sơnrang lơyah ngan rlau jơh tàm tiah do dê, càr Gia Lai mìng cĭt vaccine rcang lài kơryan kòp geh rlau 19% mờ Dăk Lăk pa mìng geh khà rlau 37%.

Jat ồng Viên Chinh Chiến, Kwang atbồ Viện Vệ siñ zịc tễ Tây Nguyên yal, pơhìn kòp sơnrang pơn jat tai gơlik geh mờ lơh kòp tàm kòn bơnus tàm tơngai tus là uă ngan tŭ Tây Nguyên gam là tơngai kàl prang uă ngan. Den tàng ală tiah pal kràn cê jơh nùs tàm broă atbồ mpồl so, mèo; lơh mhar tŭ tơngai cĭt vaccine rcang kơryan lài kòp sơnrang mờ sơlơ tơnguh broă lơh mblàng yal nàng làng bol in gĭt wă bơta sơng bơng roh bơh kòp do dê.