Càr Dăk Lăk bơyai lơh Ngai chờ tơnpar plai ƀluh dờng tàm ngai 30 nhai 4 mờ ngai 01 nhai 5
Thứ năm, 13:23, 17/04/2025
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K'Ho- Di ngai ơm rơlô ngai 30 nhai 4 mờ ngai 01 nhai 5 nam do, cau năc lòt nhơl tus càr Dăk Lăk rơ̆p geh dơ̆ niam nàng tus bal “Par tàm brê bơnơm dờng” tàm Ngai chờ tơnpar plai ƀluh dờng 2025, geh bơyai lơh bơh ngai 01 tus ngai 03 nhai 5 tàm sàh Krông Na, kơnhoàl Buôn Đôn.
Broă lơh do kờp dŭ geh 12 nai plai ƀluh dờng, tàm hơ̆ geh 10 nai drơng nàng cau năc in par bal mờ 2 nai ràng tơlik tàm ƀlàng dờng ngai 10 nhai 3, ƀòn dờng Buôn Ma Thuột. Pah dơ̆ par bơh 5 tus 10 phút tàm bơta ñhoa 50 thơ̆k, priă par bơh 140 tus 800 rơbô đong tàm 1 dơ̆ par.
Kờp dŭ rơ̆p tăc di pơgăp 1 rơbô 500 vĕ. Bơdìh mờ broă par, cau năc gam geh tus bal ală broă lơh niam chài, sa phan bơkah krơi is, tìp bal đơs crih tamya ờs mờng càr dê. Bơdìh hơ̆ tai, càr gam bơyai ală mpồl broă lơh niam chài, tàp pràn să jan bè dròng cing mồng, đơs crih tàm gùng ƀòn dờng, ràng tơlik rùp, ală phan sa bơkah krơi is… ai geh bơta niam chài lòt nhơl, geh uă bơta niam chài krơi is Tây Nguyên dê.
Viết bình luận