Tàm pơrjum, Phó Củ tịc UɃÑZ càr Dăk Lăk ồng Nguyễn Thiên Văn yal bè bơta geh, bơta pràn bơh gah lòt nhơl càr Dăk Lăk dê. Geh pơnrơ ngan tàm hơ̆ là ală dơ̆ lòt nhơl đềt mềr mờ rơwas, lòt nhơl khin bơrnañ, lòt nhơl mpồl bơtiàn sền bơta niam chài ală jơi bơtiàn kis bơh yau tàm do.

Kwang ala măt lơgar Ấn Độ tàm ƀòn dờng Hồ Chí Minh ồng Madan Mohan Sethi pà git: Mpồl lơh sa kă bro lơgar Ấn Độ neh mờ gam geh ală dơ̆ tìp măt, hòi jà lòt nhơl tàm uă càr, ƀòn dờng tàm lơgar Việt Nam. Ồng Madan Mohan Sethi kơ̆p kờñ geh lơh ală broă lơh pơn jăt tai kơl jăp tàm bơta git gơ̆p lơh broă bal đah bàr lơgar đơs bal, đah ƀang Kerala mờ ală càr, ƀòn dờng tàm lơgar Việt Nam đơs is. Di tàm dơ̆ do, ala măt bàr gah neh kĭ 11 pang sră kah lơh broă bal tàm gah lòt nhơl mờ ơm rơlô să.