Tàm cribơyai, cau kơlôi sơnơng niam chài mò Linh Nga Niê Kdăm đơs loh, cau ùr là cau tờm kuơmàng ngan tàm broă sền gàr, jàu gơnoar ală bơta kuơ niam chài bơh ală jơi bơtiàn dê. Kuơmàng, cau ùr geh bồ tơngoh bơsram sră càr Dăk Lăk mờ kơnòl broă he dê, neh lơh niam kơnòl broă gơ wèt mờ dà lơgar, mờ hìu bơnhă, mờ mpồl bơtiàn. 

Tàm càr Dăk Lăk, tơngai lài neh geh uă jơnau bơceh lơh, broă lơh kơlôi sơnơng jak chài, broă lơh sền gàr mờ ngui niam ală bơta kuơ niam chài ală jơi bơtiàn bơh cau ùr bơceh lơh geh cồng nha ngan mờ mblàng wơl bơta kờñ gơboh uă ngan. Tàm cribơyai, ala mat ală anih atbồ dà lơgar kung yal bè broă lơh atbồ, kơlôi sơnơng nàng kờñ prap gàr, sền gàr mờ ngui niam bơta kuơ niam chài jơi bơtiàn, broă lơh mblàng yal, hòi jà cau tàm mpồl cau ùr, ngan là cau ùr jơi bơtiàn dồ êt nă cau tus bal sền gàr mờ bơtàu tơnguh niam chài.