VOV4.Mnông – Ôi 27/4, HĐND n’gor Dak Nông khóa 3, năm kan 2016-2021 lĕ ƀư rơh rƀŭn chuyên đề uănh an nău ntrŭnh ntuh kơl ăp nău nchrăp ƀư nsum lvang 2022-2025 n’hanh ƀư tĭng trong kan nuĭh kan. Ta rơh rƀŭn, HĐND n’gor Dak Nông lĕ tâm nchră n’hanh tâm ban ŭch đah ăp nău nchrăp ƀư Nghị quyết uănh an nău ntrŭnh ăp nău nchrăp ntuh kơl nsum lvang 2022-2025. Tĭng nĕ, dĭng lĕ nău nchrăp tơm prăk ntuh kơl nsum lvang aơ lah rlău 11.700 rmen prăk, rlău n’gul nkôp đah lvang bah năp.

HĐND n’gor Dak Nông mbơh an nghị quyết ntuh kơl ndơ ƀư nsum lvang 2021-2025

Nchrăp tâm 5 năm tât Dak Nông mbra ntuh kơl rlău 170 nău nchrăp ƀư, uănh khlay lah nkra ăp trong tỉnh lộ, trong nkual ƀon têh; ntuh kơl ndâk ƀư n’gâng kan điện tử n’hanh đô thị thông minh.... Ta rơh rƀŭn, HĐND lĕ rgum tâm nchră nău kan hun hao wăng sa hăn ndrel đah đăp mpăn nău rêh jêng, njrăng n’gang nuh srê, nkre n’hao mât uănh ndơ bri dak n’hanh mât njrăng ntŭk ntô gŭ âm. Ăp nuĭh ntoh măt lĕ mbơh an sam ƀŭt nkoch mpeh nău săch ntop tay gưl săk Ủy viên UBND n’gor đah wa Trần Văn Diêu, Chánh văn phòng UBND n’gor Dak Nông.

Nuĭh rblang: Y Sưng Phê Ja