VOV4.M’nông: Kêng măng 3/5, Cục Cảnh sát giao thông an gĭt, tâm 4 nar rlu lễ 30/4-1/5 lam dak geh 111 tơ̆ tâm tom ndeh, lơh 58 nuĭh khĭt, 64 nuĭh rmanh. Rđĭl đah 4 nar rlu lễ năm e nơh tâm tom ndeh hŭch lĕ 3 rnoh mpeh rnoh âk tơ̆, rnoh nuĭh khĭt n'hanh rnoh nuĭh geh rmanh. Tâm 4 nar rlu Lễ, mpôl Cảnh sát giao thông lam dak hŏ ôp uănh, ban saơ, nkra rmal bơi 33 rbăn tơ̆ nuĭh tih đăp mpăn hăn ntung trong; manh nhŭp kân 207 bôk ndeh ôtô, rlău 7 rbăn bôk ndeh honda; sŏk mplơ̆ 2 rbăn 320 si ƀŭt ƀĭt ndeh. Yơn lah, tă bah rnoh âk nuĭh n'hanh ndeh rklư rsong hăn hao âk ta ăp trong me, lơn lah ăp mpông rlong luh lăp tâm thủ đô Hà Nội n'hanh nkual ƀon têh Hồ Chí Minh, tâm rnôk ntung trong ndơ dŏng mô hŏ năn tŏng ngăch jêng bol ma ăp mpôl kan dơi kan hŏ lor nchrăp rgum âk mpôl kan an ƀư tâm pă mbor hăn, ntĭm nti, tâm pă trong hăn bah ơm, bah ngai, yơn hôm geh du đêt ntŭk kol khan đŏng./.  

Nuĭh rblang: Điểu Thân