VOV4.Mnông- Groi Tổng thư ký LHQ Rosemary DiCarlo kuăl đă du n’gâng kan lăp kan ndrel ta Afghanistan, tâm rnôk ngih dak Tây Nam Á aơ dôl ta nău uh ah nău wăng sa, ach o, rnă njrăng n’hanh nuh srê lôch rnôk Taliban njôt leo kan. Wa bu ur Rosemary DiCarlo  mhe geh rơh tât khâl 3 nar tât ta Afghanistan n’hanh tâm mâp ăp nuĭh kan gâl têh tâm n’gâng kan Taliban gay ma tâm nchră ăp njoat hăn khlay gay ma nsĭt tay du Afghanistan lăp kan ndrel, ƀư tĭng ăp nău kan bâh nău dơi kon nuĭh n’hanh lah du dak kan ndrel geh âk nău nsrôih tâm rơh tâm lơh njrăng rdâng đah mpôl rlăng. Groi Tổng thư ký LHQ lĕ lah na nê̆ nău khlăy bôk năp bâh nău mât đăp mpăn an lah lĕ rngôch nuĭh ƀon lan Afghanistan, geh nđâp bu ur n’hanh ăp rmôt nuĭh rnoi đê̆ lĕ an lah mbra dơi tât râng ta nău rêh wăng sa, chính trị bâh ngih dak.

Nuĭh rblang: Thị Đoắt