VOV4. M’nông: Mpôl tahen trôk Ai Cập n'hanh Sudan hŏ nti tâm lơh nsum geh moh "Klang ƀŭng dak me sông Nile 2” ta ntŭk gŭ nde tahen trôk ta Sudan. Ăp mpôl tahen hŏ ƀư ăp nău kan tiăr nti n'hao dăng, lôch jêh ăp nău blău mât tahen trôk nsum, ƀư ăp rơh hăn ntŭp lơh ndal nsum gay rdôl lơh ăp ntŭk ŭch tât lơh n'hanh mât njrăng ăp ntŭk gŭ kan khlay. Rơh nti tâm lơh nsum geh nău tât râng bah ăp bôk ndeh păr tâm lơh. Ăp mpôl tahen mha êng bah bar ding hŏ tiăr nti mpeh ăp nău kan ntŭp lơh ndal n'hanh njêng ndâp săk. Rơh nti tâm lơh gay dơi geh lĕ rngôch mpeh trong nchrăp n'hanh tĭng ƀư ăp nău kan tahen trôk tâm ban kơt weh rnoh dơi nchrăp bah ăp mpôl tahen tâm trong tĭng ƀư ăp nău kan nsum./.

Nuĭh rblang: Điểu Thân