VOV4.Mnông- Ấn Độ lĕ geh nău dun Luật n’har bri neh kơh mhe geh Trung Quốc mbơh tơih, nkre  an lah nău ntrŭnh êng aơ bâh trung Quốc mbra dơi geh mô ueh tât ăp nău tâm ton bar ding đah bar ding ta nkual n’har bri. Tâm rnôk nău mbơh ngăn geh ndơ̆ mbơh, n’gâng kan nchră nău đah dak bah dih Ấn Độ an gĭt, nău kan aơ bâh Trung Quốc mô geh tât nău tâm ton bar ding lĕ ký ta năp nĕ, bol ma nĕ lah nău n’har bri aơ gay ma mât nău đăp mpăn rgŏ trong mât uănh nău ngăn (LAC) ta nkual n’har bri đah Ấn Độ- Trung Quốc. Ấn Độ ŭch Trung Quốc mbra der ƀư tĭng ăp nău kan đah nkô̆ ŭch luật aơ mbra dơi ƀư rgâl êng nkô̆ nău ta nkual n’har bri Ấn Độ-Trung Quốc. Ấn Độ nkah đă, bar dak ê hŏ dơi doh rklaih nău n’har bri đah bar dak.

Nuĭh rblang: Thị Đoắt