VOV4.Mnông- Ấn Độ n’hanh Trung Quốc nar 18/11 lĕ tâm ban ŭch ƀư rơh tâm nchră tahen tal 14 lơ ma ơm lơ ma ueh gay ma dơi geh nău tâm ton rhoăt tahen lĕ rngôch ăp ntŭk tâm pit hôm e rgŏ trong mât uănh nău ngăn LAC ta mpeh Đông La-đăc. Ta rơh rƀŭn nchră trực tuyến tâm rnôk geh ƀư nău kan pah kan ôp nău n’hanh tâm rgop mpeh ăp nău ta n’har bri Ấn Độ- Trung Quốc, bar ding lĕ geh ăp rơh tâm nchră kloh rjăp, na nê̆ mpeh nău kan ta rgŏ trong mât uănh nău ngăn LAC n’hanh uănh n’hêl ăp nău tât ndal kơp geh bâh rơh tâm nchră tahen tal 13, geh ƀư ta nar 10/10 năm aơ. Ấn Độ n’hanh Trung Quốc lĕ lah na nê̆ nău khlăy tâm nău ơm an geh joi trong rklaih an ăp nău hôm nha kŏ khan, nkre lah ƀư tĭng tŏng ăp nău tâm ton n’hanh nghị định thư bar ding gay ma ndâk nsơm nău đăp mpăn n’hanh ueh lăng ta ntŭk.

Nuĭh rblang: Thị Đoắt