VOV4.M'nông:  Anh mĭn lah, rmôt 7 dak công nghiệp hun hao G7 ân ndrel pah kan nsum gay đăp mpăn vaccine COVID-19 dơi pă an ăp dak geh wăng sa đêt n'hanh dah găp đah rnoh khlay tâm di. Lah lor rnôk râng rơh hop đah ăp Bộ trưởng Y tế G7 ta Oxford, Bộ trưởng Y tế Anh Matt Hancock an gĭt, nuh srê têh lam ntŭr neh mbra rngơt bah rnôk tât dơi đah vaccine dơi pă an. Rlău ma nê, lam ntŭr neh ân dơi nchrăp uĕh lơn an ăp nuh srê têh let năp tay đŏng, lơn lah ăp nău ji ntưp rêng bah ndơ mât tât nuĭh. Tâm nchră G7 mbra ƀư ta Đại học Oxford, ntŭk tơm njêng dơi vaccine njrăng n'gang COVID-19 bah AstraZeneca. Ăp mpôl kan hăn kơl nuĭh lah rjăp, Anh mbra ƀư dơi âk lơn đŏng ma ăp trong ŭch manh an rong dơm đah nău dơi dŏng nău gĭt blău bôk rngot bah ăp công ty dược phẩm./.

Nuĭh rblang: Điểu Thân