VOV.M'nông: Nhih pah kan rhŏ dŏng dak si Anh mbơh mô năl geh du hê nuĭh khĭt mhe tă bah nuh srê COVID-19 tâm nar 1/6, lor bôk năp kơp ntơm bah khay 7 năm e nơh. Nău lư rhơn nđơr dja ndơ̆ luh tâm rnôk nău geh ntưp hô tât kaman njêng săk mhe năl geh lor bôk năp ta Ấn Độ ƀư mpôl kan dak si Anh klach rvê mpeh geh ma nău tât du rơh ntưp mhe. Aơ lah nău dơi tam bah ăp trong nkra mpă wêl n'hanh an gŭ srang ngai êng lam nău rêh tĭng ƀư bơi 1 năm aơ, tâm ban kơt trong ƀư chuh n'gang têh nt ơm bah kêng dŭt năm e nơh. Tât aƀaơ, rlău 39 rkeh nuĭh, tâm ban đah 74,9% rnoh nuĭh dâk têh ndăm ta Anh hŏ dơn n'glai chuh vaccine bôk năp n'hanh rlău 254 rkeh nuĭh (48,9% rnoh nuĭh dâk têh ndăm) dơn n'glai chuh tâl 2./.

Nuĭh rblang: Điểu Thân