VOV4. M’nông: Hãng tin Reuters nar 13/4 an gĭt, Dak Anh mbra rhuăt luh bơi lĕ rngôch tahen luh bah Afghanistan, lôch rnôk Mỹ mbơh trong nchrăp rhuăt luh tahen tâm nar 1 khay 9 năm aơ. Bah năp nê ndrel nar, n'gâng kan Tổng thống Joe Biden mbơh trong nchrăp ndơ̆ luh, Mỹ mbra rhuăt luh lĕ rngôch tahen luh bah Afghanistan tâm rnôk nkah ndray tâl 20 nar mpôl lơh ndjơh rdôl lơh 11/9/2001, ơm chông ƀoh an rơh tâm lơh ntoch jong bah Mỹ ta neh dak Tây Nam Á dja. lah Mỹ rhuăt luh lĕ rngôch tahen luh bah Afghanistan ri nklăp 750 tahen Anh mbra tâm rdâng đah ăp ntil jêr jŏt, ma mô geh nău ntop kơl bah Mỹ yor nsing tâm ăp ntŭk gŭ nde n'hanh ndơ dŏng bah Mỹ. Jêng Anh hŏ geh trong nchrăp ndơ̆ rgâl nău dơi mât kan học viện quân sự ta Kabul, ntŭk tahen Anh kơl tiăr nti tahen an chính phủ Afghanistan./.

Nuĭh rblang: Điểu Thân