VOV4.M’nông: Tâm rơh hăn râng rơh rƀŭn khlay bah ăp Kruanh n’gâng kan nchră nau ASEAN đah Trung Quốc ta Trùng Khánh, Trung Quốc, ăp Kruanh n’gâng kan ASEAN hŏ ƀư du rơh rƀŭn mô n’hêl. Ta aơ, jêh rnôk geh djăt Tổng thư ký ASEAN Dato Lim Jock Hoi ndrel wa Erywan Yusof, Kruanh n’gâng kan nchră nau tal bar bah Bru-nei, dak dôl mât nau ƀư Kruanh tâm pleh bah ASEAN 2021 mbơh mpeh nau geh bah rơh khâl My-an-mar, Kruanh N’gâng kan Indonesia, wa Retno Marsudi lah rjăp nau ƀư kloh 5 nau kan tâm ban hŏ tă geh dơi gay mât nau tâm ban bah ASEAN. Tĭng Kruanh n’gâng kan Indonesia, gay dơi geh 5 nau tâm ban nau kan aơ kô di lah nau nơih. Păng kuăl jă ASEAN ndal đă rmôt kan tât My-an-mar kơt nau tâm ton ndrel pă mbơh ăp nau ntrŭnh kloh ngăn ndrel jao nau tâm mâp đah ăp ding gay njêng geh nau nơih ueh ngăn ân ăp ding ƀư jêh nau kan./.

Nŭih rblang: H’Thi