VOV4.M’nông: Kruanh n’gâng kan bah prăm dak têm tâm Liên minh Châu Âu tâm nkuăl Địa Trung Hải hŏ tât Hy Lạp tâm măng 19/3 gay tâm nchră nau nchrăp ăp nau kan bah Liên minh Châu Âu rnôk ma rmôt aơ rƀŏng tât du nau kan ntrơn du mhe. Tĭng nê, ăp Kruanh n’gâng kan tă bah Italia, Tây Ban Nha, Malta, Síp ndrel Hy Lạp hŏ tât Athens tâm măng 19/3 gay tâm nchră tâm lơ 20/3. Aơ kŏ lah 5 dak tâm bôk năp rdâng đah nau lăp gŭ âk ngăn tât Châu Âu. Ăp dak Nam Âu aơ đah trong lêng jong hvi hŏ rdâng âk nau jâk ngăn rnôk rdâng đah nŭih lăp gŭ âk ir gay ma joi ăp ntrong tât EU. Ăp nŭih ntrơn hăn đah trong duk tâm ăp trong bu vay hăn tăch ntŭng ndơ, tă bah dak lêng Thổ Nhĩ Kỳ tât gôl dak bah Hy Lạp mô lah hăn rlet Địa Trung Hải tă bah Bắc Phi. Tĭng nau kơp, âk rbăn nŭih lĕ khĭt tâm nau ngâm duk, rlet hăn mô dơi./.

Nŭih rblang: H’Thi