VOV4.M’nông: Ta rơh rƀŭn trực tuyến Kruanh n’gâng kan nchră nau ASEAN-Trung Quốc lơ 3/8, ăp Kruanh n’gâng kan nchră nau ASEAN hŏ tâm nchră tât nau mât rnă njrăng, đăp mpăn tâm dak lêng Biển Đông, tâm nê Philippines kuăl jă rklaih đah nau đăp mpăn tâm nkuăl dak lêng aơ, tâm rnôk Indonesia kuăl jă bonh đă ƀư ân jêh nau tâm ton kan tâm Biển Đông. Kruanh n’gâng kan Philippines Teodoro Locsin ân lah, ăp nau tâm pit tâm Biển Đông ân geh rklaih du trong đăp mpăn tĭng luật pháp lam ntur neh, geh n’ăp ma nau tâm ton Liên hợp quốc mpeh Luật dak lêng (UNCLOS) năm 1982 ndrel nau ntrŭnh bah Ngih phat dôih năm 2021. Tâm rnôk nê, Kruanh n’gâng kan nchră nau indonesia rnê ngăn nau tâm nchră nau kan tâm ton tâm Biển Đông hŏ geh anu dơi jêh nau pơk bôk. Indonesia bonh đă lŏ ƀư ân jêh nau tâm ton nsum tâm dak lêng Biển Đông geh nau tam, ngăn, geh nau dơi ndrel lăp tâm di đah luật pháp lam ntur neh, geh UNCLOS 1982./.

Nŭih rblang: H’Thi