VOV4.M’nông: Gay mât, njrăng ân nâp nau mât rnă njrăng nkuăl n’har bri, tâm ăp năm rlau aơ, tahen Biên phòng n’gor Gia Lai ho\ nsôih ndâk, [ư nâp “n’gâng n’hâm [on lan”, uănh aơ lah “ntu\k nâp nâl ngăn” tâm nkuăl n’har bri.

Geh Đồn Biên phòng Ia Mơr ndơn kơl an gay ma rklaih ach o tâm năm 2020, rnăk wa Ksor Chah (Plei Klăh, xã Ia Mơr, nkuăl Chư Prông) du\t n’hâm rhơn ngăn. Wa Chah nkoch: “Ngih gâp knu\ng geh bar pe sào neh tăm ba yor ri ma mô to\ng sa. Năm mhe nơh, xã hên kơl an ân du mlâm ndrôk ndrel tahen Biên phòng kơl an nkra ndrung, nti\m nau mât rong gay ma ndrôk lay, ngăch têh. Năm aơ, tahen ân gâp 2 mlâm sur gay ma rong, nkra ngih ăch, n’gâng n’gar ndrel săch ngih hên gay ma tăm mir byăp nti\m lor hvi 56 mét vuông”.

Tâm ban ma nê, ta Đồn biên phòng mpông đah dak ba dih Lệ Thanh, trung tá Vũ Văn Hoằng-cán bộ Đồn biên phòng n’hao nau kan tâm xã Ia Dom (nkuăl Đức Cơ) ân gi\t, ti\ng nau nchrăp bah xã năm 2020 mra nsôih jut lơi 39 rnăk ach o, tâm nê rmôt kan ndơn kơl an 3 rnăk (du rnăk tâm Plei Mook Đen ndrel 2 rnăk tâm Plei Mook Trang). Ntơm bôk năm tât rnôk aơ, rmôt kan ho\ kơl an ăp rnăk nkra mir tăm, bonh đă [on lan manh prăk ngân hàng gay ma ntuh kơl tuch tăm, nti\m nau kan khoa học mhe, uănh kơl tât nau nti\m nti bah kon se ăp rnăk vâl.

Nô Siu Dyơn (Plei Mook Đen 2), ngoai tâm 3 rnăk geh rmôt kan ndơn kơl rklaih ach o ntoh nau: “Ngih hên mô geh neh, ur gâp ri ji kuet mro yor ri ma nau rêh jêr jo\t ngăn. Ăp nô Tahen Biên phòng yu\ kon gâp yor ri ma ân 3 nu\ih kon gâp tât sa tâm “Ngih năk kơl an” bah rmôt tahen. Mhe nơh, rnơm geh tahen nti\m nti, gâp manh prăk tă bah Jrâu kan ân manh Ngân hàng chính sách xã hội nkuăl gay ma rvăt 2 mlâm ndrôk si\t rong”.

Êng nau kơl an rklaih ach o, rơh rlau aơ, ăp rmôt kan tâm rmôt tahen Biên phòng n’gor Gia Lai hôm rsih mbơh nau rnơm tâm nkuăl n’har bri đah ăp nau kan ueh. Thượng tá Rơ Mah Tuân-Chính uỷ N’gâng kan rđau tahen Biên phòng n’gor Gia Lai ân gi\t: Tahen ho\ rđau ăp rmôt, ăp ntu\k kan nsing tâm nau ngăn gay ma ndâk, ntru\nh ăp nau kan kơl an [on lan ân tâm di. Ngăn lah, ntơm năm 2019 tât rnôk aơ, Tahen Biên phòng mpông đah dak ba dih Lệ Thanh mât nau kơl an 14-16 nu\ih kon se bah nau kan “Năk gâm sa kơl an”, ăp Pôih tahen ndrel Tiểu đoàn Huấn luyện-Cơ động ko\ kơt lah ăp jrâu, ăp ban tâm N’gâng kan rđau kan mât nâp nau kan kơl an 50 kon se bah Bôk nau kan “Kơl an kon se hăn nti”. Ngăn lah geh 11 kon se dôl geh mât rong tâm ăp rmôt pah kan bah nau kan “Kon rong Pôih tahen Biên phòng”…

Wa Rơ Lan Chim-Bí thư Đảng uỷ xã Ia Mơr (nkuăl Chư Prông) lah rjăp: “Rơh rlau aơ, 2 Đồn Biên phòng Ia Mơr ndrel Ia Lốp ho\ geh âk nau rgop ngăn kơl an xã ndâk ndrel mât nâp ntrong kan chính trị, mât rnă njrăng [on lan. Cán bộ biên phòng hôm nsôih râng ndrel tât kơl an [on lan ndâk ăp nau kan văng sa, [ư âk nau kan gay ma kơl an ân jêh ăp nau kan ndâk njêng [on lan mhe”.

Thượng tá Rơ Mah Tuân ân gi\t, tât rnôk aơ, Tahen Biên phòng Gia Lai ho\ kơl nchră nau ân 3 nkuăl n’har bri geh nau ndâk, [ư ana rjăp 13 rmôt mât njrăng êng  nkuăl n’har bri, n’gâng n’har, đăng ký nau mât 11 n’gâng n’har ndrel 67,8/90 km trong n’har bri bah n’gor, 48 rmôt mât njrăng êng đăp mpăn tâm Thôn, [on, du rmôt duk mât njrăng ndrel 2 rmôt mât njrăng êng tâm nkuăl [on lan geh chroh.

Kơt lah, ta Đồn Biên phòng Ia Chía, nkuăl Ia Grai, ti\ng Đại uý Rơ Châm Jueh-Kruanh rmôt Bonh đă [on lan bah Đồn, lam xã Ia Chía a[aơ geh 10 rmôt mât rnă njrăng tâm thôn, [on ndrel du rmôt mât njrăng n’har bri, n’gâng n’har ndrel tâm ăp rmôt ko\ geh cán bộ, tahen Biên Phòng râng đah nau kan nsum. Ăp rmôt mât njrăng êng ri [a [ơ nau kan mêt uănh, nkân njrăng ndrel nkoch trêng, bonh đă [on lan kơt ti\ng ân rjăp ăp nau ntru\nh, ntrong kan bah Đảng, pháp luật bah Ngih dak, yor nê nu\ih [on lan đăp mpăn pah kan jan sa ndrel nsôih râng mât rnă njrăng nkuăl n’har bri

Wa Siu Phim-Kruanh thôn Biă nkre lah Kruanh rmôt mât njrăng êng tâm thôn Biă, xã Ia Chía, ân gi\t: Ăp pưoh, ăp nu\ih tâm rmôt ko\ râng nau kan mêt uănh, nkân njrăng, mât ăp nau kan ndrel năn rklaih ăp nau geh tâm rkeh tâm [on lan, yor nê ma nau ntu\ng ndoh ndơ, tâm dong tâm xã ho\ bah ngăn”.

Tât rnôk aơ, nau kan [on lan râng mât njrăng êng nkuăl n’har bri, n’gâng n’har bri, rnă njrăng êng tâm thôn, [on ho\ hăn lăp tâm nau ueh ndrel nar lơn [ư ueh ăp nau sakư tam. Rlau 10 rbăn rnăk râng nayu mât rnă njrăng êng tâm thôn, [on, 3.800 nu\ih râng đăng ký mât njrăng nkuăl n;har bri, 93 rnăk ndrel 120 nu\ih râng nau mât njrăng nkuăl n’har bri. Nê lah ăp nu\ih geh nâp nâl ngăn tâm nkuăl n’har bri./.

                        Nu\ih rblang: H’Thi