VOV4.M’nông: Mpôl tâm boh ăp dak Đông Nam Á (ASEAN) nar 28/5 hŏ ntơm dâk kan trong nchrăp lơh bah ndŏk nklăch jăng nklang dak lêng lvang năm 2021-2025 gay pă an trong kan têh jong nsum gay nkra bah nkô̆ nău ndŏk nja nklăch jăng nklang dak lêng tâm lam nkual. Lah ta rơh lễ ntơm rdâk ƀư, Tổng thư ký ASEAN Dato Lim Jock Hoi lah rjăp, ăp nkual dak lêng n'hanh kơh dak lêng dŭt khlay đah nău rêh n'hanh ntŭk nde joi sa bah nuĭh ƀon lan, yơn lah dôl tâm rdâng đah âk jâk mpet, lơh lah djơh ôm bah ndŏk nhựa, geh ma nău jêng khuch tât n'hâm suan kon nuĭh tâm ban kơt hŭch hêng n'gâng kan pâl nđaih n'hanh lơh joi ka khlay bah jâng wăng sa nkual. Trong nchrăp lơh bah ndŏk nja jăng nklang dak lêng bah ASEAN lah nău kan nsum mpôl, rƀŏng tât trong hăn let năp aơ tay bah ăp dak lăp kan nsum ASEAN, gay ntop kơl ăp trong kan n'hanh jâng nsing ta nkual, nkre rgum ăp tơm suan gay ntop an nău kan neh dak dôl geh aƀaơ./.

Nuĭh rblang: Điểu Thân