VOV4.Mnông- Nău tâm boh kan đah Pháp n’hanh Australia dôl ntơm ueh tay lôch rnôk Pháp geh mbơh mbra đă Đại sứ plơ̆ tay ta Australia pah kan. Nău ntrŭnh aơ bâh Pháp lĕ ƀư an Australia bah ir geh nău jêr n’hanh mbơh vơt rhơn Đại sứ Pháp plơ̆ tay pah kan. Lôch rnôk kruanh n’gâng kan nchră nău đah dak bah dih Pháp Jean Yves Le Drian mbơh ta năp Quốc hội dak aơ mpeh nău săch Đại sứ plơ̆ tay ta Australia ta nar naơ, nar aơ, kruanh n’gâng kan mât tơm prăk Australia Josh Frydenberg lah na nê̆ lĕ 2 dak lĕ geh nău geh nsum khlăy tâm nkual n’hanh bar dak geh nău tâm boh kan jŏ jong jêng an geh mpŏng tât gay ma ntrôl nău mât kan nsum. Ta khay ba năp, Pháp lĕ rgum kuăl Đại sứ ta Canberra sĭt dak nơm. Aơ lah ngoăy tâm âk nău kan mpơl nău ji nuih bâh Pháp ta năp nău Australia nklơi jăng nău tâm ton rvăt 12 duk mŭr nchoăt ma diesel bâh Pháp ta năp nău Australia nklơi nău tâm ton rvăt 12 duk mŭr nchoăt ma Diesel bâh Pháp, đah rnoh khlăy klâp ma 90 rmen đôlar.

        Nuĭh rblang: Thị Đoắt