VOV4.M'nông: Nar 20/12, Ba Lan, Litva n'hanh Ukraina hŏ ndơ̆ luh nău mbơh nsum mpeh nău kơl Ukraina jêng dak lăp kan nsum bah Liên minh châu Âu (EU) n'hanh Nhih pah kan tâm ton tahen Bắc Đại Tây Dương (NATO). Nău mbơh dơi Tổng thống pe dak ndơ̆ luh ta rơh Tâm nchră gưl têh pe njônh Lublin ta Huta, miền Tây Ukraina. Tĭng Tổng thống Ba Lan Andrzej Duda, nău mbơh an saơ nău tâm rnglăp n'hanh nău kơl bah Ba Lan n'hanh Litva đah Ukraina tâm trôm pe njônh Lublin, tâm ban kơt ndơ̆ luh trong rƀŏng tâm boh đah ăp dak lăp kan nsum tâm let năp tay. Đah nău mbơh nsum dja, Ba Lan n'hanh Litva dôl lah ăp njuat hăn bôk nău ký nău mbơh ngăn kơl an lăp EU n'hanh NATO bah Ukraina.

Nuĭh rblang: Điểu Thân