VOV4.M’nông: Tât rnôk aơ, 2 n’gor tâm n’gor Tây Nguyên lah Kon Tum ndrel Gia Lai ho\ [ư dơi Đại hội ntoh măt Đảng bộ n’gor năm kan 2020-2025. Ăp n’gor aơ ho\ kơp năl tâm ăp năm tât n’hao nau kan ndâk njêng Đảng bôk ndrel lam ntur ntrong kan chính trị kloh, nâp, [ư ueh n’hâm dăng tâm rnglăp ăp rnoi mpôl, mât rnă njrăng neh dak, so\k do\ng âk săk tam ăp nau kan gay hun hao văng sa rêh jêng.

            Kon Tum lah nkuăl bôk năp tâm Tây Nguyên [ư Đại hội ntoh măt Đảng bôk năm kan 2020-2025. Nau mbơh chính trị bah n’gor Kon Tum ân saơ, năm kan rlau aơ, văng sa bah n’gor hun hao ăp năm geh 9,13%. Rnoh ăp ntil ndơ tâm du hê bôk nu\ih hao 1,4 tơ\. Nau geh tơm prăk ngih dak tâm n’gor tât năm 2020 geh 3.50 rmen. Rnoh rnăk ach o tâm ăp năm n’huch rlau 4%. Năm kan rlau aơ, lam Đảng bôk n’gor Kon Tum rnglăp 5.853 đảng viên rlet rlau nau ntru\nh. Di\ng le\ 756 thôn, tổ dân phố geh ntu\k r[u\n Đảng. Lah đảng viên ntoh lư râng đại hội, wa Nguyễn Kim Chiến, ntoh nau:

            “ Gâp ân lah, năm kan rlau aơ văng sa bah n’gor Kon Tum hun hao geh âk ngăn. Hun hao geh 9,13% tâm du năm nê lah nau geh kơp âk đo\ng rđil đah ăp n’gor êng tâm nkuăl Tây Nguyên ko\ kơt lah tâm lam dak. Nau rêh bah nu\ih [on lan geh rgâl ueh âk ngăn”.

            Tât râng Đại hội ntoh măt Đảng bộ n’gor Kon Tum tal XVI, ntoh măt N’gâng kan Chính trị, Rnâng kan rđau Trung ương Đảng, Kruanh rnâng kan Trung ương Nguyễn Văn Bình năl lah: 5 năm rlau aơ bol ma mâp âk nau jêr, yơn Đảng bộ, n’gâng kan ndrel [on lan ăp rnoi mpôl tâm n’gor Kon Tum ho\ tâm rnglăp, tâm ban, nsôih rlet rlau nau jêr, nau geh ueh, mhe, do\ng nau kan, kơt ti\ng ăp nau săk tam ban nau kan, nau geh jêng, nau dơi bah n’gor gay rgum [ư nau ntru\nh XV Đảng bộ n’gor ndrel geh âk nau dơi khlay.

            Yơn lah Kon Tum hôm lah du n’gor ach o rđil ăp êng tâm n’gor Tây Nguyên ndrel tâm lam dak. Nau kan văng sa jê|, văng sa hun hao ê geh nâp nâl. Yor ri ma, ti\ng Rnâng kan văng sa Trung ương Nguyễn Văn Bình, rơh tât, Đảng bộ n’gor Kon Tum ân geh [ư ueh nau dơi, n’hao nau nâp nâl nau hun hao ti\ng ntrong nâp nâl dnrel hun hao văng sa:

            ‘Rgum nau uănh năl du đê| nau kan, ntrong kan gay ma n’hao nau nâp hun hao văng sa ti\ng trong nâp nâl ndrel hun hao văng sa ndrih ueh. Nau do\k do\ng ân săk tam ăp nau geh ơm văng sa mpeh bri, neh bri, neh tuch tăm, gay ma hun hao, njêng ăp nkuăl ăp ntil tơm tăm geh rnoh văng sa âk, rgum ân n’hao âk lơn tay nau nâp mpeh nti\m nti, dak si, nau kan ntru\t dăng rêh jêng, bonh dă ăp ntu\k kan tăch rgâl râng tâm nau hun hao nti\m nti, dak si”.

            Ta rơh r[u\n bôk năp, Rnâng kan Rđau Đảng bộ n’gor Kon Tum ho\ săch wa Dương Văn Trang lo\ [ư Bí Thư n’gor Kon Tum n’gor XVI, năm kan 2020-2025. Nau ntru\nh Đại hội ntoh măt Đảng bộ n’gor Kon Tum ndơ\ nau kan hun hao văng sa geh 10%/ năm hao go\ lơ. Rnoh geh tâm du hê bôk nu\ih 70 rkeh hao go\ lơ. Nau geh tơm prăk geh 8,2% tâm du năm. Rnoh rnăk ach o n’huch ntơm 3-4% tâm năm. Lah nu\ih ntoh măt mom ngăn râng Đại hội Y Hoa tă bah nkuăl Tu Mơ Rông uănh năl nau kan bah nơm:

            ‘Đại hội lôch ri gâp nchrăp mra si\t r[u\n rgum tâm nau kan bah rmôt nơm mra nkoch trêng tâm rmôt bu ur mom bah nơm mpeh nau ntru\nh bah Đảng bộ n’gor. Jêh nê lah ntru\nh ân ăp yuh [ư du đê| nau kan geh tât nau kan bah rmôt ndrel nau kan bah rmôt bu ur tâm nkuăl nơm”.

            Jêh n’gor Kon Tum, Đảng bộ Gia Lai ko\ ntơm [ư Đại hội ntoh măt tal XVI, năm kan 2020-2025. Nau mbơh chính trị mbơh tât Đại hội ân saơ văng sa rêh jêng bah n’gor Gia Lai năm kan 2015-2020 geh âk nau ntoh ang. Geh 14/18 nkô| nau nchrăp luh ân nau kan bah năm kan, ho\ ndrel mra rlet rđil nau ntru\nh, đah nau kan hun hao geh 7,83% nau rgum mpeh ntuh kơl ndrel ntuh kơl geh âk nau rgâl, tăm bri geh rlau 6,3 tơ\ rđil năm kan bah năp nê.

            Râng ndrel rđau đại hội, wa Trần Quốc Vượng, Uỷ viên Bộ chính trị, Rnâng kan Bí thư rnê ăp nau tă geh ma đảng bôk n’gor Gia Lai tă dơi tâm năm kan rlau aơ. Tâm 7 nkô| nau rgop bah đại hội, wa Trâng Quốc Vương đă n’gor n’gor ân nkah tât nau kan cán bộ:

            ‘Ân geh ăp bôk nau kan ndâk njêng rmôt cán bộ tơm khlay ăp gưl, ngăn lah cán bộ yor Rnâng kan n’gor uỷ mât. Tâm nê uănh khlay tâm nau kan nti\m nti cán bộ lah nu\ih rnoi mpôl đê|, cán bộ bu ur, cán bộ mom geh nau blau nâp nâl, geh nau dơi, geh nau blau ndrel nau kan ueh to\ng dơi [ư kơt nau nchrăp luh. Aơ lah nau kan tơm, rgop nau ntru\nh [ư ân dơi nau kan nau ntru\nh Đại hội XVI bah Đảng bộ n’gor”.

            Đại hội ntoh măt Đảng bôk n’gor Gia Lai tal XVI, năm kan 2020-2025 ntoh 17 nkô| nau kan văng sa rêh jêng, 7 rmôt [ư ăp ntrong kan, tâm nê geh geh ăp ntrong kan [ư nau kan geh ti\ng nkô|, geh nau ndâk rmôt cán bộ ăp gưl to\ng dơi nau u\ch bah nau kan, nau [ư ân ueh ti\ng kơt nau dơi leo lor bah ăp cán bộ, đảng viên, ngăn lah nu\ih dâk bôk, rgum ăp tu tơm ân nau dơi hun hao tuch tăm nau kan prêh mhe, uănh khlay nau ndâk ntrong kan ngih vâl ân tâm ban, ngăn lah tâm nkuăl jru, nkuăl jêr ngăn, ntru\t dăng nau hun hao tăm bri gay ma n’hao nau nku\m n’hâm bri./.

                                                Nu\ih rblang: H’Thi