VOV4.M’nông – Đah rnoh uănh năl mham ntưp đah kaman Sars CoV-2 hao tât 44% n’hanh rnoh nuĭh lăp ngih dak si hao 57 tŏ, Nepal dôl dâk bah geh ntoh srê âk ngăn yor kâng n’har đah Ấn Độ n’hanh nău thơ tha mô njrăng bah nuĭh ƀon lan. Neh dak Nam Á đah 26 rkeh 80 rbăn nuĭh ƀon lan aƀaơ, dôl tâm trong ntưp Covid-19 tal 2 âk lơn trong hăn bôk năp n’hanh rnoh ntưp aƀaơ lĕ hao tât 20 rkeh 100 rbăn nuĭh ƀon lan du nar. Tĭng Hội chữ thập đỏ n’hanh Trăng lưỡi liềm đỏ quốc tế, ăp nău dôl geh ta Ấn Độ dơi geh đŏng ta Nepal lah dak aơ mô dơi nking n’gang trong ntưp aƀaơ.

          Nŭih rblang: Y Sưng Phê Ja