VOV4. M’nông: Ôi aơ (27/3), Ban Bí thư Trung ương Đảng ƀư ntơm pơk Tâm nchră pơk sŏng dăng lam dak gŭ mĭn, kơt nti, mbơh gĭt lam hvi, nkoch trêng Nghị quyết Đại hội tâl XIII bah Đảng. Tâm nchră ƀư tâm 2 nar (nar 27 n'hanh 28/3) đah bôk ƀoh tơm ta Jrô hop Diên Hồng, Jay Quốc hội, Thủ đô Hà Nội n'hanh bôk ƀoh ta ăp Tỉnh ủy, Thành ủy, Đảng ủy mpeh Trung ương; bôk ƀoh ta ăp n'gâng kan, ăp đơn sự nghiệp mpeh Trung ương n'hanh ăp bôk ƀoh ta ăp gưl tâm dâng ta ăp ntŭk tŏng geh mpeh drăp ndơ dŏng kỹ thuật.

  Ta rnôk tâm nchră, nuĭh Ủy viên Bộ Chính trị mbra nđơn nkoch tay ăp bôk way nkô̆, lah: Nău mbơh Chính trị bah Ban Chấp hành Trung ương Đảng khóa XII ta Đại hội tâl XIII bah Đảng; Trong hun hao wăng sa jŏ jong- rêh jêng kon nuĭh 10 năm 2021- 2030 n'hanh trong nchrăp hun hao wăng sa- rêh jêng kon nuĭh 5 năm 2021-2025; Mbơh n'glôch jêh pah kan rdâk njêng Đảng n'hanh dŏng ƀư Điều lệ Đảng bah Ban Chấp hành Trung ương khóa XII ta Đại hội tâl XIII bah Đảng; ăp nău gĭt êng n'hanh nău mĭn mhe mpeh njrăng n'gang neh dak Việt Nam; ăp nău gĭt êng mhe n'hanh nău mĭn mhe mpeh rnă njrăng neh dak.../.

Nuĭh rblang: Điểu Thân