VOV4.M’nông – Wa Dương Văn Trang-Ủy viên Trung ương Đảng, Bí thư N’gor ủy Kon Tum mhe tât khâl n’hanh pah kan đah cán bộ, tahen Pôih tahen n’har bri Quốc tế Bờ Y. Tĭng nău mbơh, tâm năm 2020 n’hanh 3 khay năm 2021, Pôih lĕ nhŭp, phong 6 tơ̆, 9 nuĭh, nhŭp kân rlău 13kg ma túy ăp ntil, lĕ jêh sam ƀŭt rhăch nău, jao an nuĭh, ndơ, ndeh an Công an n’gor uănh nđôi tay, rmal tĭng nău ntrŭnh pháp luật; rmal rlău 130 tơ̆, 350 nuĭh tih trong ƀư n’har bri n’hanh nglăp, luh mô tâm di, tâm rgop đah ăp rmôt kan dơi kan saơ, nhŭp kân 2 tơ̆/2 nuĭh, sŏk kân rlău 1.430 kg pháo ăp ntil...

Ntŭk rƀŭn nar pah kan

 N’glôn jêh nar pah kan, Bí thư N’gor ủy Kon Tum Dương Văn Trang đă Ban ntĭm rđau Pôih tahen n’har bri Quốc tế Bờ Y pah kan đah nău kan têh ngăn; ƀa ƀơ ntrŭt nsôr cán bộ, tahen ntŭk kan lôch uĕh nău kan dơi jao; dŭt n’hâm n’hao njrăng, rlăp, mô tâp rlăm, tih pháp luật.

Nuĭh răk rblang: Y Sưng Phê Ja