VOV4.M’nông – Kêng măng 24/3, wa Dương Văn Trang-Ủy viên Trung ương Đảng, Bí thư n’gor ủy ƀư tơm nar pah kan đah Hội Doanh nhân druh ndăm n’gor. Dơi ndâk njêng bah khay 12/2020, Hội Doanh nhân druh ndăm n’gor Kon Tum geh 154 nuĭh đah 10 chi hội, 11 câu lạc bộ. Ăp chi hội, câu lạc bộ lĕ dŏng ăp ndơ geh, nău nơih, mât jêng đông trùng hạ thảo; tăm, nkret njêng, tăch lôch uĕh ndơ prit đĕ; nkret njêng n’hanh tăch ăp ndơ bah cà phê; nkra njêng, hun hao ăp ntil ndơ tâm an ntĭt mpơl êng.

Bí thư N’gor ủy Kon Tum ntoh ngơi ta nar pah kan

Hội Doanh nhân druh ndăm Kon Tum lĕ ƀư âk nău kan đăp mpăn nău rêh jêng, ntop kơl ăp nău rêh jêr jŏt đah dĭng lĕ rlău 160 rkeh prăk. Ntoh ngơi ta nar pah kan, Bí thư N’gor ủy Kon Tum nsing nơm ăp doanh nhân, doanh nghiệp druh ndăm mbra joi trong hăn mhe gay ƀư uĕh 2 ndơ dơi geh, jâng nsan têh bah n’gor: pâl nđaih n’hanh tơm dak si. Năm tât, ăp doanh nghiệp an nsrôih pơk hvi ntrong kan tăch rgâl,  n’hao tâm rgop đah doanh nghiệp n’gor băl gay hun hao công nghiệp nkret njêng, ngăn lah nkret njêng sâm rse, ndơ lŏ mir rƀŏng tât tăch n’gluh, nta an ăp ndơ ntĭt mpơl êng bah Kon Tum.

Nuĭh rblang: Y Sưng Phê Ja