VOV4. M’nông: Nar 12/4, ta Mpông n'har bri hăn dak bah dih Xa Mát, n'gor Tây Ninh, mpôl pah kan bah Bộ Chỉ huy Quân sự n'gor Lâm Đồng tă bah Đại tá Nguyễn Bình Sơn - Chỉ huy trưởng Bộ Chỉ huy Quân sự n'gor ƀư kruanh mpôl hăn hŏ njuăl si ƀŭt, pă nklâm ndơ mbah rhơn Têt an Tiểu khu Quân sự n'gor SiemReap, Quân khu 4, Tahen Hoàng gia Campuchia nkhêp geh Tết way ơm Chol Chnam Thmay. Tâm rnôk nuh srê Covid-19 hôm tât krit nji, rêng jao an, dơn nklâm ndơ dơi 2 ding ƀư di rêng, đăp mpăn njrăng n'gang nuh srê ta nkual kâng n'har đah 2 dak. Đại tá Nguyễn Bình Sơn hŏ ndơ̆ si ƀŭt mbah rhơn Tết way ơm ndrel ăp nklâm ndơ n'hanh njuăl nău mbah rhơn dŭt uĕh lăng tât cán bộ, tahen Tiểu khu Quân sự n'gor SiemReap, Quân khu 4, Tahen Hoàng gia Campuchia wơt Tết way ơm đăp mpăn, rhơn mƀak./.

Nuĭh rblang: Điểu Thân