VOV4. M’nông: Ôi 9/4/2021, ta Nhih pah kan Trung ương Đảng, Bộ Chính trị hŏ hop ta nâm nău ƀư tơm bah wa Tổng Bí thư Nguyễn Phú Trọng gay tâm nchră mpeh du đêt nô nău n'hanh lôch jêh mât bôk kan, rđău đă pah kan quý I/2021 n'hanh du đêt nău kan tơm khlay tâm let năp tay. Bộ Chính trị tâm ban ŭch dơn năl lah, Ban Chấp hành Trung ương, Bộ Chính trị, Ban Bí thư, Quốc hội, Kruanh dak, Chính phủ, ăp gưl, ăp n'gâng kan hŏ rđău đă, ƀĭt juet geh nău tam, ƀư geh nău dơi dŭt uĕh lăng Đại hội XIII bah Đảng n'hanh ƀư lôch jêh uĕh âk nău kan khlay mpeh rdâk njêng Đảng n'hanh lam trong kan chính trị, hun hao wăng sa- rêh jêng kon nuĭh, njrăng n'gang neh dak, rnă njrăng, tâm boh dak bah dih. Tâm let năp tay, ăp gưl, ăp n'gâng kan ân mât uĕh tay ăp nău dơi hŏ geh, ơm ƀư bah ăp rbăn lhơ, jêr jŏt, ntul rlong; rđău đă an ƀư tay Nghị quyết Đại hội XIII bah Đảng n'hanh ƀư lôch uĕh ăp rnoh tât kan, nău kan ndơ̆ luh tâm năm 2021. Tâm nê, ân rgum rđău đă geh nău dơi rơh bầu cử Quốc hội khoá XV n'hanh Hội đồng nhân dân ăp gưl năm kan 2021 - 2026.

Nuĭh rblang: Điểu Thân